رواية طفلة الزهري (كاملة جميع الفصول) بقلم شهيرة عبدالحميد
وبوستها وانا بقولها حبيبة أنتي قوية متخافيش أنا هفضل جنبك انتي اقوى من اي حد بتشوفيه هنا في الاوضة.. كلهم بيخافوا منك على فكرة أنا هقعد برا شوية وادخل تقوليلي عملتي إيه علشان نكتبها في صفحة الإنجازات بتاعتك.
وبعدين وشوشتها بشوية كلام محدش سمعه غيرها ومشيت.
خرجت وقلبي بيتقطع مليون حتة على حالها
وقعدت معاهم برا أنا ونهلة بنتبادل نظرات عارفين معناها كويس.
هي واثقة ومتأكدة اني مستحيل اسامحها
وأنا بأكد لنفسي أنها المرة الأخيرة ال أثق وآمن لشخص من تاني.
مر ساعات كتير
بقينا المغرب
الساعة دقت سبعة
وقام عم جمال ببسمة عريضة على وشه بيقول
جريت اول واحدة
دخلت على حبيبة لقيتها ماسكة مفتاح كبير بيلمع وملائمة!
هلل عم جمال وقال ينصر دينك يا حبيبة ينصر دينك يا بنتي..
سألت حبيبة ها.. هنكتب ايه في صفحة الإنجازات!.
ابتسمت اكتر وقالتلي اداني ده هدية وقالي حطيه في دم قتيل خاين وافتحي البوابة.
عم جمال ونهلة سألوا في نفس الوقت يعني إيه دم قتيل خاين!.
فسرتلهم المجهول يعني شخص في دمه الخيانة زي نهلة مثلا.
وقتها نهلة بدأت تتراجع برا الاوضة وتقول لا لا لا.. أنا عايزة عيالي متفقناش على دم.. خلاص مش عايزة فلوس.. مش عايزة حاجة.
مسكها عم جمال من دراعها
صححتله المعلومة وانا بقوله لا ياعم جمال المطلوب دم قتيل خاين يعني لازم تموت ونسحب منها .
نهلة حاولت تهرب وتجري لكن لحقها عم جمال وهو بيقول بغضب أنا مش بعد كل ده هخسر كل حاجة إيه يعني موت نفر مننا ماهي صحيح خاينة ولو اتطلب دم حبيبة كانت هتوافق.
هما الاتنين مسكوا في بعض بيعافروا في الاوضة قصادنا هي بتحاول تهرب وهو بيحاول يتملك منها استغليت اشتباكهم ببعض جنب الحفرة وعملت نفسي بفك بينهم وزقيتهم وقعوا سوا جوا الحفرة.
خدت حبيبة وجريت
وفي الطريق قولتلها شاطرة يا
خدتها وطلعنا على القسم بلغت بكل التفاصيل
ورجعت البيت مطمنة بنتي في حضني.
بليل وهي نايمة في حضني وبنتكلم عن رحلتنا مع العصابة سألتها سؤال كان نفسي اعرف إجابته من بدري اوي تعرفي يا حبيبة أنا عرفت أنك في بيت عم جمال منك انتي جتيلي هنا وادتيني قلمك ابو فيونكة.
ضحكت وقالتلي عارفة.. عمو ابو قرون كان بيحاول يصاحبني علشان مخافش وقالي تحبي اوديكي أي مكان وانتي مكانك وطلبت منه اروح عندك.. هو دلوقتي نايم جنبك الناحية التانية وبيحبك انتي كمان .
تمت
بقلم شهيرة عبد الحميد.
انسة_شين.
تمت
انسة_شين.
